Wayana omi alï - Tïpatakamo eitop

Wayana omi alï - Tïpatakamo eitop

See English text below

Ëtakëlë tëmamine Stg. Mulokot Suriname malë, LifeMosaic, helë video tom Wayana omi jak tïlëmei anumhak ïwëtïtopkome

Tïpatakamo eitop jaw man 10 me video tom helë kom jaw awolemïla, anumhak tïpatakamo eitop mënehene ja.

Masike man hakëne video tom tïpatakamo eitop Wayana omi jak tïlëmei, Suriname po ikenanpatohme. Malalë akon tomohnë video tom Wayana omi jak mënëtïja.

Helë kino tom man Wayana omi jaw enehe aptau: Lo Apëitop malalë Ёwuhnёptop Tulakanemuja ja.

Ëtï mëlë Lo Apëitop? Ta nëtïja ulë eitop moloinë ëutë apëitïhwë aptao?

Ëtï mëlë lo apëitop katop? Wayana haponkom lo kuptë tïpatakom apëitop eneja fabriektom bedrijftom patame malalë tulesitom pëk eitohme huwa. Helë video tïwë ulë eitop ëtïtop ipohnëptop enepoja lo apëitop tïwëlënkomoja aptao. Helëjao henejatëi Azië, Afrika malalë Amerika lonpo Wayana haponkom ohanëmatop ipatakom apëitop tïwëlënkomoja akenamehle aptao. Tëweitopkom ekalëja tot tïwëlënkom neneme nipanakmame huwa.

Talane lo apëitop eneimëtop ipohnëptop? Helë video mënenepoja Wajana haponkom pata ohanëmatop of wantë aptao tanme helë katïp ëpatakom mënëtïja katop. Ëhmelë tïwë ulë ëtïtoptompëk mënenepoja. Tïwëlënkom nenemehnë pepta sikolo universiteit pëkënkom neneme ëutë lo apëitohpëk tuwalë tïwëlënkom eitohme mëlë pëk.

Enek helëkom omijao eitop: French, Spanish, EnglishIndonesianSwahili, Baka, Bagyeli, malalë Tok Pisin katop ailon.

Download tïkë Lo Apëitop katop talë.

Kaliponotom tuwalonumatop eitop mulit iweitopkom pëk enetïhwë aptao.

Ëtï katïp ëpata eneja tïwëlënkom? Ta tïkai ipatakaimïtpïtom tïlonkom apëitïhwë aptao? Ëtï mëlë pepta tïwë ulë malalë lo eitop ïpotop ëpatao ëlonpo aptao? Tamïke ëpata apëhëmëtohpëk epekatëmëhe ëwaptao?

Kaliponotom tuwalonumatop eitop mulit iweitopkom pëk enetïhwë aptao.

Ekalëk tënonkom bedrijftomne ëpataowëhe ëlonkompo tëmamine. Malalë ënïkjamkom molo iweitopkom ïpone tëmamine molo iweitopkome. Ïtëk mëlë hapon tëmamine eitop hapon pona enetohme molonkom eitop mëlë pëk mëhjela teihamo eitop. Talane mëkja ulë eitop tëtïhe mëlë oloko eitop umpoi aptao.  

Akon video man Wayana omi jaw : Ёwuhnёptop Tulakanamoja - Tïpatakamo eitop

Helë video mënenepoja companytom eitop ëtï ïlïhe tot aptao tïwëlënkom patao ipëkhe tëweitopkom pëk.

 Ta katop mëlë Ёwuhnёptop Tulakanemuja katop?                                                                  Helë video mënenepoja companytomoja kaliponotom ewuhnëptop ise tëweitopkom ïpotohme ejahe lo kuptë malalë koni eitopjao industrie patatom ipïnanïptop ejahe huwa.                                                                                                                                                               Helëkom tuwalë kaliponotom aptao tïhap mënëtïjatot tïpatakom ikulunmatohpëk tïwëlënkom tumëkhe ipatakëhe ëtïkom ïhe aptao. Sin man ahpelahle eitop tïwëlënkom nenetpï Cameroon ponokom Indonesia ponokom malalë Paraguay ponokom helëkom epone.                                                                                                

Helë video man 14 minuten katïp kupime iweitop.     

Tohme Ёwuhnёptop Tulakanemuja eitop tënei?                                                                                       Helë video mënenepoja kaliponotom pata ohanëmatop of helë katïp tanme mënëtïja wantë ëpatawëhe katop.

Ituwalonumatop of upotohpëk ëtutop kaliponotom eitop enetïhwë.

Ëti katïpne ipok lëken eitopjao tëtuhamo malalë ipok man talë helë pëk eitop tïkahamo?                                                                                                               

Ënïkjamne mëlë pëk?                                                                                                            

Imilihkë tënonkomne companytom omime katïp ëtïpëkhe tëwaptaowëhe tïwëlënkom patailë. Ikuptëhe imilihkë mëlë companytom omi ekuptëtop hapon uwaponmatopkome katïp.                                                                                        

Ënïk manune ëwapëtomananomkome tïwëlënpo tulakanamo malë ëtutoptom aptao? Tanme pëtukulula omi ailëla enenokïtpïkom of ëwumïtïnkom aptao.                        

Ta mïketëo manu mëlëpëk?                                                                                                               

Tala manu mëklë tëtalepai of tïpetukwaimëi iweitohpëk ëjahe?

Ituwalonumatop mulit kaliponotom eitop enetïhwë aptao.

Ëtutop hapon tïkë kaliponotom ëtutop enetohme malalë iwëtutopkom enetohme tala tot nëtuja katohme. Pepta organisatietom ëpatawëhe ëtïpëkhe aptao akename enoktëk ëpeitokom tïwëlën pona mëkja ipëk eitop hapon pona iweitopkom enetohme. Moloinë ëhmelë iweitopkom eneja mëkja. Mëlë katïp aptao ahpe iweitopkom tuwalë mëtïjatëi.

Download tïkë Ёwuhnёptop Tulakanemuja katop talë.

Enek helëkom omijao eitop: French, Spanish, EnglishIndonesianSwahili, Baka, Bagyeli, malalë Tok Pisin katop ailon.

English Text

In partnership with the Mulokot Foundation in Suriname, LifeMosaic has dubbed some videos for empowerment into Wayana indigenous language.

The Territories of Life toolkit is a series of 10 short videos that share stories of resistance, resilience and hope with communities on the frontline of the global rush for land.

So far, 2 films from the Territories of Life series have been dubbed into indigenous Wayana language for use in Suriname. Further Wayana version films are due to be dubbed shortly.

The films currently available in Wayana language are : Land Grabs and Company Tactics.


Related Project:

Land Grabs and Land Rights

The Territories of Life toolkit is a series of 10 short videos that share stories of resistance, resilience and hope with communities on the front-line of the global rush for land. These videos, available in English, Spanish, French, Indonesian and Swalhili and are currently being disseminated widely by community facilitators.


Recent stories

LifeMosaic is hiring in Indonesia

2nd Aug 2021
A unique opportunity to join a small and dedicated team of LifeMosaic. We are looking for a Programme Officer to support indigenous movements in Indonesia.


Nemonte Nenquimo, a Waorani leader sends a strong message to the western world

13th Oct 2020
"We Indigenous people are fighting to save the Amazon, but the whole planet is in trouble because you do not respect it." Nemonte Nenquimo: Published in The Guardian


LifeMosaic is a Not for Profit Company Limited by Guarantee (Registered company number: SC300597) and a Charity Registered in Scotland (Scottish Charity number: SC040573)