Olarrabal lengiminata o lkwak, kimitu Engishon (MAA Language)

Ore ena Video Naa enaret eng`eno too ltunga`anak lo lkuak

Ore ena filamu neitobirrwaki tenaboisho e LifeMosaic o kulie arikok kumok lorkwaak, olaitobirrak lo filamuni, olautarrok oing'uaa Enkop olkila orok , Latino e Amerika tenebo o Polynesia. Elimu ena filamu enkatini ebatisho naipirta ntokitin pookin naishu, oo mbatisho oloing'ang'e tenebo enkinyala sapuk orkwaaki oo paasha: Enkatini naipirta enkiminata naitagolikito enkishui oltung'ani  te nkop pookin. Kinoning ilarikok loorkwaak tenkop nalulung'a oyeta nkiasin, onyuat ooltung'anak lenye naayau inkoitoi naiboorieki kuna nyamalaritin. enkipototo te pookin pee king'oru enkoitoi nikibarie enkikashata, enkishui sidai nalotu tenebo ake sii   enchatata onkiasin enaboishu pee kirrip enkishui tenkop. Ittobirwaki ena filamu tenkaraki ilaing'urak liopeny, enaa enaret narretoki ilarretok, olaiteng'enak tenebo olashetak lonyuat. Isilig aajo ore enaa enaret orkilkwai nidimie loshon metotoni tesidano tenkata natiiki pee imbung' nembik imbalunye irkwaki lenye oopaasha tenebo enkitoria. 

Ore ena filamu neitobirwaki tenaboishu e lifeMosaic oo kulie arikok kumok lo loshon lorkwaaki, olaitobirak le filamu, olautarok lorpolosien  rkila orock, Asia, South America tenebo O polynesia

Ore oloip lena fideo naa kidimi adapashaki pesho iltung`anak lo lkwak, oloshon pooki Oosuj olkerreti lenye liopa.

Download film here 

Download Radio version here

Watch more of LifeMosaic's films in Swahili

This film is availble in dubbed into several languages

Swahili, Maa, Spanish, PortugueseIlocano, Indonesian, English (dubbed) and English (subtitled).

Thai and Māori versions are currently being produced.

 

Oloitobirak Le Filamu lo loshon lo lkuak 

Mathais Ole Tooko, Loitaii Olmaasinta, Te Tasania.  Ore ninye naa olaitobirani le filamu negira sii aasisho enaa olalikioronni loo lomon teredio olosho.

Priscila Tapajowara, Tapajó, Brasil.  Neing'uaa enkop e brasil, Amason, ore sii Priscila naa enkariponi oo mbaa orkuak, oo nkibelekenyat enkop, enkaoshoni oo mpishai, enkatobirani oo nkatini naimaki imbaa enaboisho oltung'anak lorkwaak onyanyuk tiatwa olchirika lemme olesirkali olimu ilomon te nkop e india.

Konini Rongo, Māori, kook ailand. Ore Konini naa enkarriponi oo ntimi, enkaoshoni oo mpishai, enkatobirani e filamu. Ore ake sii ninye naa enkaing'orrani aanyorrani enkop oloo kakui oo nkariak enaa eng'asiata enye tiatwa ormuradi oji  Kōrero O Te `Ōrau’s conservation, reforestation and food security project.

Kynan Tegar, Dayak Iban, Indonesia. Ore ninye naa olaitobirrani kinyi le filamu, oing'uaa olosho oji Dayak Iban tenkop e Sungai Utik, West Kalimantan. Eloito ninye enkisoma tiang' neitobirr ifilamuni. ore enaa piidip enkisoma eshule emisingi neitodolwa enyorrata enye enkitobirrata oo mpishai, enkitobirata oo filamuni, enkorok tenebo eng'eno eyiolounoto iatwa orkwaak loo ltong'anak loo lban. Ore enkishui nabikoo tiatwa orkwaak loo lopeny tenebo eyiolounoto eng'eno oorkakuyiani naing'uaa olarikoni loo adat Apay Janggut, oomitu olosho tebatisho enkinyala natem ajing'u.  

Rupa Flores,  Te Peru  
Olaoshoni lo mpishi lemeeta irpolosien oing'uaa Lima, Enyokita aitobiru nkatini naalimu enkinasaroto oo lomon loo nkiasin orkwaak tenebo onkiasin olosho. olalikioroni lesipata oo ltung'anak le Feria te nkop e Perú Independiente, Proyecto AMIL, Techitos Legales and Diez Talentos theater school. Eeta ninye enyorata tiatwa eng'arata oo rkwaaki lo losho tenebo osipat naimu enkitashekinoto emakewon tenkitobirrunoto oo mpishai nayaau tenebo mbarakinoto oo sipat oo ltung'anak, tenebo ormuradini oibelekeny dupoto oo loshon aiteru tiabori tenebo olopeny manyisho. 

Luis Enrike Becerra Velade, Te Peru.
Oaitobirrani le filamu oing'waa Lima, neeta edgree esirata enkinasaroto oolomon nanoto techuo naaji Pontificia Universidad Católica del Perú, etii si naboisho oo laoshok lo mpishai ooji FAC - fotografxs autocovocadxs. ibalie esiai enye enabaikino esipata oo ltung'anak, enaidura, empaashari oo nkiasin o lewa oondomonok, enjung'ore orkwaak, eyiolounoto tenebo enkitoria. Ore enduata enye tompishai nipirta pee eutu eyiolounoto naa ore tiatwa nipirta esipata naa ore enkipirta enye naa pee itobirru inkatini naitadamisho mbaa naijo imbaashat, ombaa naing'asiasho napirare mbaa naamanita yiok nimidimayu pee kipaashare eniko iyiook. 

Leikui Uriana Henriquez, Wayuu Siijona, Colombia. Enkaitombirani e filamu naidippa enkisoma te school naji  Escuela Internacional de Cine y Tv EICTV de San Antonio de los Baños too lari (2012) te enkop e Cuba. Ore ebaiki olari loo 2004 netaa enkatobirani oo filamuni napaasha enaa Señal Colombia, Canal Capital, ProColombia tenebo o Canal Caracol. Etaasishe sii enaa enkatobirani e filamu naaji "Pájaros de Verano" (2017) tenebo e filamu naji "Regreso al Mar de mis Muertos" (2019, eton eitu itoduari ena filamu, kake enchoto e filamu ena naitodolu enkitoduaroto osirwa loo loshon, lionom onaudo (59th), ndomoni ile (60th) tenebo ondomoni ile oobo (61th). Egira tenakata ailepunyie e filamu edukuya olosho loo Wayuulabs te nkop e kolombia tenebo enkai filamu naji Wayuu MUCIWA. Ore e filamu enye ng'usurr naimaki enkatini naji "wasp" netaa eitodoluni too nkolong'i kutik naaponu.

 

Engikilikuanare o Laigwanak

Samwel Nangiria, LO LOITAI TOO LMAASAI,  LE Tasania.  Ore Samwel naa Oinoti o oloing`oni le maa naa Olamitunoni le nkulupuoni oo lmaasai o lkwaak. Iterwa ilurrurri kumok too rishat naapasha, Iterwa apa NGONET, PALCA, Oltoilo Le Maa. Ore to lari 2017 nitaa Olamitunoni lo lari loo sipat oo ltung`anak to losho le Tasania. Eton egira aitashe niro arare eeraroto oolmaasai tiatwa enkulupuoni oo loo kakwi.

Sonia Guajajara, ARARIBOIA, Te Brasil. Ore Sonia naa yioloti too ngapi pooki enaa enkoing`oni oo sipat oo lkwak o pooki namanita manyisho. Etarare niton ake eenyita o taata engironyare oo ntomonok, eyiang`ata oo ltung`anak lo lkwaak, Enkoing`oni naanyita enjung`o olkwaak. Ore taata naa Esapuk naitasheki naboisho oo ltung`anak lo lkwaak te nkop e Brasil, ore Sonia netaa te dukuya olarrabal arare erikore e Bolsonaro natetema aidakie Engulukuoni oo ltung`anak lo lkwaak to supuko le ntim e Amason. Ore to lari le 2022 netegelwaki metaa Engaitobirani oo mbarakinot e dukuya naipirta olkwaak te nkop e Sao Paulo to losho e Brasil.

Wrays Perez, Lo WAMPIS, Te Peru. Ore Perz Ramirez netaa apa ninye Orais le nkitoria eweji nategelunye enkop oo wampis to lari 2015-21. iteng`ene ninye te nchuo kitok e Carlos le Kuni te Madrid to losho loo spain. Nishori Engarna enkitoo  tina chuo naji "Olang`eni loo mbaa naipirta iltunganak lo lkwaa, o Sipat oo ltung`anak, Erikore nadupa, o Naboisho te lulung`ata oo nkwapi pooki". Ore erikore enye erishata naado niterwa eeta ilari 24 too yerat le ntim e Amason te nkop e peru. Ore olmoo lenye te rikore netayioloki too lturrurri loo kwap pooki. Etaakwa Orais te nchuo kitok oo latino le amerika o karibian naiprta Enjula oo lkwaki too ltung`anak lo lkwaak, Etaa obo lo to lwamba loo lang`eni  naing`oru puan o naboisho oo lpolosieni le nkop e peru o ekwedo.

Marisol Garcia Apagueño, LKICHWA,  Te Peru                                                                           Engarikoni engajio lkichwa laa ninye ing`waa olarikoni apa ogol oji Tupac Amaru te ngop e San martin to losho le Peru. Ninye Erais etanakata le naboisho o inot lo suko le amason o Engarikoni e apa olturrurr orreten imbaa nailepunye iltung`anak lo lpolosie le San Martin. Etaa oltoilo lo losho lenye lo lkichwa, ontomonok o enkulupuoni o ltung`anak lenye too wejitini naning`ieki iltoloishi enaa, olchirika Orrip nilepunye isipat oltung`anak npooki le maekani, Olchirika lo ngwapi pooki to ltung`anak oisik aing`oru enesaru, o kulie wejitin kumok. Engaisomani naata digrii e mpukonoto 16 Eng`eno naipirta iltung`anak lo lkuak, esipata o ltung`anak,  o naboisho o ngwapi pooki ing`waa enchuo kitok e Calos le kuni.  Kilepunye neasishore eng`eno engishon o enyauta najo "Oltau Onyori Leng`iriata", pee erasaa isipat o ltung`anak osipat e  poki weji namanita manyisho.

Tania Pariona, QUECHUA,  Te Peru.  Ore Tania naa Engarikoni oo lkechua, naing`uaa kayiara te kopkop e Olosho le Peru, naasita esiay olosho, Engong`oni oo sipat ooltung`anak, Ninye apa nashumo terisha Enganasa pooki e Ayakucho too nkigwanat erikore Olosho le Peru. Engoing`oni naasita esiay sapuk oleng` pee etum iltung`anak lo lkuak  esipata, nitum intoyie o ntomonok esipata enye. Ore ninye netii Olturrurr lo lkuaki loo ltung`anak le Peru naji Chirapaq naitobiru naiboisho oo ntomonok pooki olkuak lo loshon le marekani.  

Dr Teina Rongo, MĀORI, te Kook Ailand.  Ore Teina   naa Olaterunori aretoni  olaitashekinoni lolchirika oji Korero O te Orau. Naa keretoki loloshon lo lkuak te nkop a kook Ailand  pee eitasheki enkulukuoni, o ngariak supukin enye. Keitubulu, neitasheki nesujaa imbarakinot pooki naitasheki inkiasin pookin etung`ani nanyanyukie eng`eno o lkerreti lo lkuak lenye, nesik pee mejing` eng`oroto naipirta kilepunoto , enkibung`ata o metabaiki enjung`o olkerreti ll lkuak lenye. Ore sii Teina neeta eng`eno o ntemeta a PhD naipirta Bailogia.           

Pipi Supeni, Dayak Benuaq,  Te Indonesia. Ore Pipi naa Engarikoni Olosho loo benuak, naitayio kewan pee emitu engop o lbenuak tenduroto o soito lo ropiyiani ometabaiki kulie kiasin sapuki nainyal enkulupuoni.  Ore tena kipirta niturrurru intomonok o lelero tiatwa imurwa 14 tiatwa iwilayani 4 to loosaen le kalimantan. Tenebo Ontomonok olkwak, neputu kulie kiasin pee itukuj nitagol intomonok pee ero, nedumunye aing`oru erikore e atwa olosho lenye o metabaiki  erikore engelare oo murua. 

   

Petrus Asuy, DAYAK BENUAQ,  Te Indonesia. Ore Asuy na Olaigwanani loo ldayak naa yioloti emitu olosho lo ldayak osipat enye entim enye olkuak natii Maura. Ore to lari 2015 tenebo o olkulie benuaq lenye, neng`amu inchuneti enganyit naingu`ua naboisho o nguapi pooki tengaraki  etorripo, nemitu, neshukoki enganyit entim enye tialo enginyalata o laturok lo soito lo ropiyiani engurman kituak eyilata. 

Jakeline Romero Epiayu, WAYU, Te Kolombia. Engarikoni o Wayu Le Eiruku olgilata lo Epieyu. Etijning`a jakilin tenebo Naboisho o ltung`anak te kopkop e La  Guajira eton aa kiti oleng`. Ore ninye naa entomononi o ntoyie are. Nitii apa esiana o ltunga`anak lo lwamba le Fueza mujeres lo Wayu loiterwaki to lari 2006 pee elo ajurr enginyalata o sipat o ltung`anak, mbaa kumok torrok nayaua olarrabal lo ljeshi to losho lo Wayu te rikore e La guajira te Kolombia, tenebo o mbukonot torrok nayawa enturoto o soito, o silangeni kitwaak o nkulie baa kumok tiatwa engop o Wayu.      

Adelaida Vangrieken, WAYUU, Te Kolombia.  Engarikoni oo Wayu ing`waaa lo losho loo Patsuali. Etorikoyie erripoto engare te ngop o Wayu, Neripaa elkejek lengare le Bruno o Rancheria, Neenyare inturonoto oo soito te ngop natetema ilaturok loo soito naji Karrejon.        


Related Project:

Recent stories

LifeMosaic’s latest film now available in 8 languages

23rd Feb 2024
Indigenous communities around the world are hosting community screenings of the film 'Facing Extinction, Defending Life' to discuss the crisis on the world's climate, biodiversity and cultures and to vision community-led solutions.


การเผชิญหน้ากับการสูญพันธุ์ และการปกป้องวิถีชีวิต (Thai)

9th Oct 2023
ชุดวีดีทัศน์การเผชิญหน้ากับการสูญพันธ์ และการปกป้องวิถีชีวิต บอกเล่าเรื่องราวภัยคุกคามที่มีต่อความหลากหลายทางชีวภาพ ภาวะฉุกเฉินต่างๆที่กระทบต่อสภาพภูมิอากาศ และการทำลายความหลากหลายทางวัฒนธรรมที่เกิดขึ้นอย่างรวดเร็ว เรื่องราวที่เชื่อมโยงระหว่างกัน ต่อการสูญเสียซึ่งกำลังคุกคามต่อการดำรงอยู่ของมนุษย์โลก


© 2024 Copyright LifeMosaic
LifeMosaic is a Not for Profit Company Limited by Guarantee (Registered company number: SC300597) and a Charity Registered in Scotland (Scottish Charity number: SC040573)